Tannréttingatæki
Tannréttingaspor
Sporin gera það að verkum að tannréttingavírarnir geta tengst tönnunum og þannig hreyft þær til.
Á stofunni notum við aðallega tvennskonar spor. Annars vegar er um að ræða hefðbundin tannréttingaspor úr stáli, og hins vegar hvít spor sem gerð eru úr postulíni.
Frambitstæki
Frambitstæki eru notuð í þeim tilfellum þegar allur neðri kjálkinn er of aftarlega miðað við efri kjálkann og andlitið í heild.
Þau miða að því að færa neðri kjálka og tennur framar, og þannig minnka yfirbit á framtönnum sem orsakast af þessari stöðu kjálkanna.
Þessi tæki hvetja aðallega til vaxtaraukningar í kjálkalið á vaxandi einstaklingi, með svokallaðri togörvun. Virkni frambitstækja er takmörkuð í fullvaxta einstaklingum.
Meðferð með frambitstækjum stendur yfir í 9-12 mánuði, en þá tekur við tímabil með spangir á öllum tönnum.
Til glöggvunar má sjá frekari upplýsingar um frambitstæki í eftirfarandi tenglum:
Framtogsbeisli er notað til að hafa hvetjandi áhrif á framvöxt efri kjálka. Það er notað í þeim tilfellum þegar efri kjálki er afturstæður miðað við neðri kjálka og efra andlit.
Framtogsbeisli er oft notað samtímis álímdri þanskrúfu og er eingöngu notað á næturnar.
Þanskrúfa er notuð til víkkunnar á efri tannboga. Þanskrúfa getur verið notuð sem gómplata sem hægt er að taka úr munni við þrif og á matmálstímum, eða sem álímd á tennur.
Eftir að hæfilegri breidd er náð, þarf að hafa þanskrúfuna í munninum í 4-6 mánuði til þess að breyting á breidd tannbogans gangi ekki til baka.
Í völdum tilfellum af djúpu biti er bithækkunarplata góður kostur til að hækka bit. Við notkun á bithækkunarplötu er aðeins bitið á framtennur og hafa jaxlar því færi á að hækka og þ.a.l. viðhalda hærra biti. Bithækkunarplötu skal nota dag og nótt, en taka úr munni við tannburstun og á matmálstímum. Gott er að nota bithækkunarplötu um það bil er síðustu barnatennurnar eru að falla úr munni, og þegar fullorðins forjaxlar eru að koma í munn.
Retraktor gómur er notaður þegar neðri góms framtennur eru of framstæðar og framhallandi.
Gómbogar eru notaðir til að styðja við breidd efri góms tannboga að lokinni útvíkkun.
Varabogi er notaður í neðri góm til þess að auka rými í tannboganum, en einnig til að varðveita rými eftir barnajaxla.
Við lok meðferðar er nánast undantekningalaust límdur upp stoðbogi á bakhlið framtanna í efri og neðri góm. Þetta er gert til þess að minnka hættuna á bakslagi, þ.e. að tennur verði aftur skakkar og snúnar eða að bil myndist á milli tanna.
Tungubogi er notaður til að styðja við 6 ára jaxla í neðri gómi og varðveita þ.a.l. rými eftir barnajaxla.
Beisli
Beisli er tæki sem notað er til að hafa hemjandi áhrif á vöxt efri kjálka þegar um of framstæðan efri kjálka er að ræða. Þegar haldið er aftur af vexti efri kjálka hefur neðri kjálkinn færi á að vaxa hlutfallslega meira þannig af hljótist gott og jafnt bit.
Notuð eru tvennskonar beisli; hvirfilbeisli sem liggur yfir hnakkann, og hálsbeisli sem liggur aftur fyrir háls.
Beisli er notað á næturnar.
Notuð eru tvennskonar beisli; hvirfilbeisli sem liggur yfir hnakkann, og hálsbeisli sem liggur aftur fyrir háls.
Beisli er notað á næturnar.
Framtogsbeisli
Framtogsbeisli er oft notað samtímis álímdri þanskrúfu og er eingöngu notað á næturnar.
Áhrifaríkast er að nota framtogsbeisli á aldrinum 8-10 ára.
Þanskrúfa (álímd eða laus)
Eftir að hæfilegri breidd er náð, þarf að hafa þanskrúfuna í munninum í 4-6 mánuði til þess að breyting á breidd tannbogans gangi ekki til baka.
Frekari upplýsingar um þanskrúfu má finna í eftarfarandi tengli:
Bithækkunarplata
Retraktor gómur
Gómbogi
Varabogi
Stoðbogar
Tungubogi
Gómplata
Gómplata (gómur) er notuð til stuðnings eftir tannréttingameðferð, til að viðhalda árangri meðferðar.
Gómplatan er notuð dag og nótt í 4-6 mánuði eftir meðferð, en eftir það á næturnar í allt að 2 ár - stundum lengur.
Frekari upplýsingar um gómplötu má finna í eftirfarandi tengli:
Tannréttinga skrúfur
Skrúfur sem notaðar eru til stuðnings í tannréttingameðferð hafa komið á markaðinn á síðustu árum.
Þessar skrúfur eru smáar og eru skrúfaðar í kjálkabein, oft á milli róta tanna. Við ákveðnar aðstæður er notagildi þeirra mikið og geta þær auðveldað tannréttingu og stytt meðferðartíma.
Tungugirðing
Tungugirðing er notuð í þeim tilfellum þegar bit er opið vegna stöðu framtanna.
Þetta gerist gjarnan í kjölfar ávana eins og þumalfingursogs eða tunguþrýstings. Tungugirðingin kemur í veg fyrir áframhaldandi þumalsog og hindrar að tungan liggi á milli efri og neðri góms framtanna og viðhaldi opna bitinu. Framtannabit lokast þá gjarnan án annars tækjabúnaðar.
Þetta gerist gjarnan í kjölfar ávana eins og þumalfingursogs eða tunguþrýstings. Tungugirðingin kemur í veg fyrir áframhaldandi þumalsog og hindrar að tungan liggi á milli efri og neðri góms framtanna og viðhaldi opna bitinu. Framtannabit lokast þá gjarnan án annars tækjabúnaðar.