Stofan

Saga stofunnar hófst þegar Teitur kom heim frá námi og hóf störf við tannréttingar á Akureyri, fyrst í Glerárgötu 20, en frá 1980 til 2017 að Glerárgötu 34. Þjónustusvæði stofunnar nær frá Húnavatnssýslum í vestri til Vopnafjarðar og austfjarða í austri, þar sem aðrir tannréttingasérfræðingar hafa fram til þessa ekki búið utan höfuðborgarsvæðisins.

Margir hafa ferðast um langan veg til að koma á stofuna og þeir sem áður komu með foreldrum sínum leggja nú leið sína á sama stað og í sömu erindum með sín eigin börn.

Gísli Einar tók við rekstri stofunnar sumarið 2009, en starfsliðið er óbreytt og eftir sem áður er markmiðið að veita tannréttingaþjónustu í hæsta gæðaflokki. Haustið 2017 fluttist stofan á efri hæð Glerártorgs.

Gísli Einar Árnason tannlæknir

« 1 af 2 »
Gísli Einar útskrifaðist sem tannlæknir frá Háskóla Íslands vorið 2002 og stundaði eftir það almennar tannlækningar í Reykjavík um þriggja ára skeið. Hann hélt síðan til framhaldsnáms við University of Rochester (NY), Eastman Dental Center, í Bandaríkjunum og lauk þar sérfræðinámi í tannréttingum í júní 2007.
Gísli fékk sérfræðileyfi í tannréttingum frá Landlæknisembættinu í nóvember 2011.

Samfara náminu þar vann Gísli Einar að rannsókn á höfuðlagi og tannbogum fyrirbura. Rannsókn hans var kosin áhugverðasta rannsóknin innan tannréttinga- og bitfræðideildar Eastman Dental Center árið 2007 og hefur Gísli Einar kynnt hana á tannréttingaráðstefnum bæði hér heima og erlendis.

 

Árið 2007 hóf Gísli störf við tannréttingar á stofu Teits Jónssonar í Glerárgötu 34 og hefur nú tekið við rekstri hennar.  Hann er eini starfandi tannréttingasérfræðingurinn á Norðurlandi.

Teitur Jónsson sérfræðingur

« 1 af 2 »
Teitur  hóf störf á Akureyrar 1976 að loknu sérnámi í tannréttingum í Oslo . Hann er í hópi fyrstu sérfræðinga í tannlæknastétt  á Íslandi og hefur nú starfað farsællega við tannréttingar í meira en þrjá áratugi. Á þessum tíma hafa þúsundir viðskiptavina komið á stofuna og því hefur nafn hans sterk tengsl við tannréttingar í hugum margra norðlendinga.

Teitur hóf kennslu við Háskóla Íslands 2000 og er nú dósent í tannréttingum við tannlæknadeild. Auk kennslunnar stundar hann rannsóknir og hefur birt vísindagreinar í virtustu tímaritum um tannréttingar. Samhliða kennslunni hélt Teitur áfram með stofuna og er nú í hlutastarfi þar, en frá sumrinu 2009 hefur reksturinn og umsjón sjúklinganna verið á vegum Gísla Einars.

Hildur Magnúsdóttir móttöku ritari

Hildur hefur starfað lengi á tannlæknastofunni og hefur mikla þekkingu á tannréttingaferlinu sem nýtist vel þegar kemur að samskiptum við sjúklinga, aðrar tannlæknastofur og sjúkratryggingar. Hún sér um móttöku og afgreiðslu sjúklinga, tímabókanir og daglegt skipulag stofunnar.

Hrönn Jóhannesdóttir tanntæknir

Hrönn hefur starfað sem tanntæknir síðan 1987 og á tannlæknastofunni í Glerárgötu síðan 2002.
Í daglegu starfi sér Hrönn um að taka röntgenmyndir af kjálkum og tönnum, aðstoðar tannlækna, kaupir inn og aðstoðar á tannsmíðaverkstæði.

Sigurbjörg María Ísleifsdóttir tannsmiður

Sigga Maja er tannsmiður og smíðar öll þau tannréttingatæki og gómplötur sem notaðar eru við tannréttingameðferð á stofunni. Sigga Mæja er fjölhæf og sér einnig um að taka mát og myndir af þeim sjúklingum sem eru að hefja meðferð, sem og þegar meðferð lýkur.
Sigga Maja hefur einnig rekið eigið tannsmíðaverkstæði á Akureyri um nokkurra ára skeið.
Vefumsjón